ليه ستور هير كير سعودي كان بيحوّل 0.28% بس من الزيارات

الوضع

Cosma Secrets بتبيع منتجات شعر برازيلي في السعودية. الزيارات كانت جاية، بس 0.28% بس منها بيتحوّل لأوردر، والطبيعي من 1.5 لـ 3%. وفوق ده، 60% من الأوردرات اللي بتيجي كانت بتتلغي.

اللي لقيته

بوابتين دفع كانوا ظاهرين في الشيك أوت ومفيش وراهم أكونت حقيقي. العميل يختارهم، الدفع يفشل، والأوردر يموت. وحد الشحن المجاني كان متظبط في الإعدادات بس عمره ما اتطبّق في الشيك أوت، فالعميل يلاقي مصاريف شحن مش متوقعها.

اللي عملته

• ظبطت الدفع والشحن والاستهداف الجغرافي من الأول، وجرّبت كل مسار بكارت حقيقي.
• عملت نظام SKU لـ 23 منتج، ورتّبت الأقسام حسب مشكلة الشعر.
• عدّلت سكشن العرض والثقة في الهوم بيدج، وعملت كوبون موسمي متجرّب.
• نزّلت كل التعديلات من النسخة التجريبية للايف بعد باك أب ومراجعة كاملة.
• ربطت GA4 و Search Console وسلّمت ريبورت قبل وبعد.

النتيجة

كل طرق الدفع والشحن بقت شغالة، وكل واحدة اتجرّبت بكارت حقيقي قبل ما تنزل لايف. والعميل معاه ريبورت قبل وبعد وتراكينج بيوضّح الزوار بيقعوا فين.